ఎనిమిదేండ్లకే పదో తరగతి పాస్‌. కానీ, బడి ఎలా ఉంటుందో తెలియదు. పదేండ్లకే ఇంటర్‌ కాలేజ్‌ టాపర్‌. కానీ, క్యాంపస్‌ వాతావరణాన్ని చూడలేదు. యూనివర్సిటీకి వెళ్లకుండానే ఎంఏ, ఎల్‌ఎల్‌బీ, పీహెచ్‌డీ పూర్తి. కానీ ప్రపంచాన్ని అధ్యయనం చేయడం ఆపలేదు. బాల్యం నుంచీ ప్రోగ్రెస్‌కార్డు మొహం చూడకపోయినా.. తన జీవితంలోని ప్రతి ప్రోగ్రెస్‌ను ప్రపంచం ముందుపెట్టింది నైనా జైస్వాల్‌. బాల మేధావిగా, మోటివేషనల్‌ స్పీకర్‌గా, టేబుల్‌ టెన్నిస్‌ క్రీడాకారిణిగా.. ఆమె ప్రయాణం ఆసక్తికరం, ఆశ్చర్యకరం. అమ్మ భాగ్య లక్ష్మి, నాన్న అశ్విన్‌ జైస్వాల్‌, తమ్ముడు అగస్త్య, తను.. నైనా ఇల్లే ఓ ఓపెన్‌ స్కూల్‌. ఆ ముచ్చటైన కుటుంబంతో మాటలు కలుపుదాం..