భారతీయ విద్యార్ధుల్లో... అమెరికా క్రేజ్‌ తగ్గింది!

ఉన్నత విద్యార్జనకు సంబంధించి ప్రస్తుతం బారతీయ విద్యార్ధుల్లో  అమెరికాపై ఉన్న అధిక ఆసక్తి తగ్గుముఖం పట్టిందని ప్రముఖ యుకె వర్సిటీ అసెక్స్‌ ప్రతినిధులు అభిప్రాయపడ్డారు. తాజాగా కేంద్ర ప్రభుత్వం ప్రకటించిన నేషనల్‌ ఎడ్యుకేషన్‌ పాలసీ వల్ల విదేశీ విద్యావకాశాలు మరింతగా భారతీయులకు అందుబాటులోకి వస్తాయన్నారు. భారత్‌లో ఇటీవలే కార్యకలాపాలు ప్రారంభించిన యుకెలోని ప్రతిష్ఠాత్మక  ఎసెక్స్‌ వర్సిటీ హైదరాబాద్‌కు చెంది ఉస్మానియా విశ్వవిద్యాలయంతో తొలి భాగస్వామ్యం కుదుర్చుకుంది. ఈ నేపధ్యంలో నగరానికి వచ్చిన ఎసెక్స్‌ కమ్యూనికేషన్స్‌ అండ్‌ ఎక్స్‌టర్నల్‌ రిలేషన్స్‌ డైరెక్టర్‌ వెనెస్సా పోట్టెర్, భారతీయ ప్రతినిధి సందీప్‌ శర్మ, లు ‘సాక్షి’తో ముచ్చటించారు. వారు పంచుకున్న విశేషాలు వారి మాటల్లోనే...

అదే విధంగా మేం అందించే స్కాలర్‌షిప్‌ల శ్రేణి కూడా అత్యంత ఆకర్షణీయమైన అంశం.  కంప్యూటర్‌సైన్స్, బిజినెస్‌ ఇంజనీరింగ్‌ కోర్సుకి ఇండియా నుంచి  బాగా డిమాండ్‌ ఉంది. ఈ ఏడాది ఇక్కడ నుంచి 2వేల మంది విద్యార్ధుల్ని లక్ష్యంగా నిర్ణయించుకున్నాం. ఏ యూనివర్సిటీలో అయినా స్కాలర్‌షిప్స్‌ కోసం విడిగా దరఖాస్తు చేసుకోవాల్సి ఉంటుంది. అయితే ఎసెక్స్‌లో అర్హతను బట్టి వర్సిటీ నుంచి అది మంజూరైపోతుంది.

ఈ విద్యా విధానం   భారతదేశంలో క్యాంపస్‌లను ఏర్పాటు చేయడానికి విదేశీ విశ్వవిద్యాలయాలను అనుమతిస్తుంది. ఇందుకు అనుగుణంగా మేం ఇప్పటికే గుజరాత్‌లోని  సంస్థలతో మాట్లాడుతున్నాము. కోవిడ్‌.. మాకు ట్రాన్స్‌నేషనల్‌ ఎడ్యుకేషన్‌ ఏర్పాట్ల పరంగా సృజనాత్మక అవకాశాలను అందించింది. .

మా భాగస్వాముల కోసం విద్యార్థుల మార్పిడి కార్యక్రమాలు, ఉమ్మడి పీహెచ్‌డీ పర్యవేక్షణ, ఉమ్మడి బోధన  మరెన్నో  రకాల భాగస్వామ్యాల పోర్ట్‌ఫోలియో మా స్వంతం. ఇక సృజనాత్మక కార్యక్రమాల జాబితాకు అంతేలేదు.  చాలా వరకూ అంతర్జాతీయ విశ్వవిద్యాలయాలు భాగస్వాముల ప్రయోజనాల గురించి ఆలోచన లేకుండా తెలివైన విద్యార్థులను ఎంపిక చేసుకుంటాయి. కానీ మేం  పరస్పర ప్రయోజనాలను కోరుకుంటున్నాం. పాల్గొన్న ప్రతి ఒక్కరికీ మేలు కలిగించే భాగస్వామ్యాలను కోరుకుంటున్నాము.

తెలంగాణ నుంచే కాకుండా భారత్‌ నుంచి మాకు వస్తున్న విద్యార్ధుల్లో ఆర్టిఫిషియల్‌ ఇంటలిజెన్స్, కంప్యూటర్‌సైన్స్,  డేటా సైన్స్‌... వంటివి ఎంచుకునేవారు ఎక్కువగా ఉన్నారు. ఒకేసారి 2 సబ్జెక్ట్స్‌ కలిసి చదవడం అనే ట్రెండ్‌ని వీరు అనుసరిస్తున్నారు. ముఖ్యంగా బిజినెస్‌ విత్‌ కంప్యూటర్‌ సైన్స్, ఎకనామిక్స్‌ విత్‌ కంప్యూటర్‌ సైన్స్‌.. ఇలా కలిపి చదువుతున్నారు.