Project K : ప్రభాస్ ఫ్యాన్స్‌కి వ‌చ్చే ఏడాది పండగే.. ప్రాజెక్ట్ K రిలీజ్ డేట్ కూడా ఫిక్స్

‘బాహుబ‌లి’తో ఇండియ‌న్ బాక్సాఫీస్ రికార్డుల‌ను షేక్ చేసిన మ‌న టాలీవుడ్ స్టార్ ప్ర‌భాస్ (Prabahs) ఏకంగా పాన్ ఇండియా స్టార్‌గా మారిపోయారు. వ‌రుస‌గా పాన్ ఇండియా సినిమాల్లోనే న‌టిస్తున్నారు. ఆయ‌న క్రేజీ ప్రాజెక్టుల‌ను సెల‌క్ట్ చేసుకుని త‌న అప్ క‌మింగ్ సినిమాల‌పై అంచ‌నాల‌ను విప‌రీతంగా పెంచేస్తున్నారు. ఇప్ప‌టికే ‘ఆది పురుష్’ సినిమా షూటింగ్‌ను పూర్తి చేసిన ప్ర‌భాస్‌.. ఓ వైపు ‘స‌లార్‌’ (Salaar).. మ‌రో వైపు ‘ప్రాజెక్ట్ K’ (Project K)చిత్రాల‌ను పూర్తి చేసే ప‌నిలో ఉన్నారు.

రీసెంట్‌గా డార్లింగ్ ప్ర‌భాస్ తాను చేస్తోన్న క్రేజీ ప్రాజెక్ట్స్‌లో ఒకటైన ‘సలార్’ (Salaar) సినిమాను వచ్చే ఏడాది సెప్టెంబర్ 28న విడుదల చేయబోతున్నట్లు ప్రకటించిన సంగతి తెలిసిందే. స‌లార్ సినిమాపై ఫ్యాన్స్ చాలా ఎక్స్‌పెక్టేష‌న్స్ పెట్టుకున్నారు. దీంతో పాటు పాన్ వ‌ర‌ల్డ్ మూవీగా నాగ్ అశ్విన్ డైరెక్ష‌న్‌లో ప్రాజెక్ట్ K మూవీ రూపొందుతోంది. ఈ సినిమా రిలీజ్ ఎప్పుడు ఉంటుందా? అని అంద‌రూ ఎదురు చూస్తున్నారు. ఈ నేప‌థ్యంలో చిత్ర నిర్మాత అశ్వినీద‌త్ రీసెంట్ ఇంట‌ర్వ్యూలో ప్రాజెక్ట్ K (Project K)మూవీ రిలీజ్ డేట్‌ను అనౌన్స్ చేశారు. ద‌స‌రా సంద‌ర్బంగా అక్టోబ‌ర్ 18న ప్రాజెక్ట్ K మూవీని వ‌ర‌ల్డ్ వైడ్‌గా విడుద‌ల చేయ‌బోతున్న‌ట్లు ఆయ‌న పేర్కొన్నారు. అంటే రెండు, మూడు వారాల గ్యాప్‌తోనే ప్ర‌భాస్ (Prabhas) రెండు సెన్సేష‌న‌ల్ ప్రాజెక్ట్స్‌తో ఇండియ‌న్ బాక్సాఫీస్‌ను షేక్ చేయ‌బోతున్నార‌న్న‌మాట‌. ఇది నిజంగా ప్ర‌భాస్ ఫ్యాన్స్‌కి కిక్ ఇచ్చే న్యూసే.

మ‌హాన‌టి వంటి నేష‌న‌ల్ అవార్డ్ విన్నింగ్ మూవీని తెర‌కెక్కించిన నాగ్ అశ్విన్ (Nag Ashwin) చేస్తోన్న సినిమా కావ‌టంతో పాటు ప్ర‌భాస్‌కు తోడుగా అమితాబ్ బ‌చ్చ‌న్‌ (Amitab Bachchan), దీపికా ప‌దుకొనె (Deepika Padukone) వంటి భారీ తారాగ‌ణం కూడా ఇందులో న‌టిస్తున్నారు. సైన్స్ ఫిక్ష‌న‌ల్ మూవీగా ప్రాజెక్ట్ K ప్రేక్ష‌కుల‌ను అల‌రించ‌నుంది.