Gut Health Tips: ఈ టిప్స్‌ ఫాలో అయితే.. గట్‌ హెల్త్ బావుంటుంది..!

గట్‌ హెల్త్‌ పైనే మన పూర్తి శరీర ఆరోగ్యం ఆధారపడి ఉంటుంది. గట్‌ అనేది.. నోరు, ఆస్యకుహరం, గ్రసని, ఆహార వాహిక, జీర్ణాశయం, చిన్నపేగు, పెద్దపేగు, పురీష నాళం, పాయువు వరకు ఉంటుంది. పేగు ఆరోగ్యం సరిగా లేకపోతే.. జీర్ణక్రియ సమస్యలు వచ్చే అవకాశం ఉంది. మనం తినే ఆహారాన్ని జీర్ణం చేయడంతోపాటు శరీరానికి అవసరమైన పోషకాలను శోషించుకొని వ్యర్థాలను బయటకు నెట్టివేయడంలో ఇది ప్రధాన పాత్ర పోషిస్తుంది. ఎసిడిటీ, గ్యాస్‌, అజీర్ణం , పొత్తికడుపు తిమ్మిరి, పుల్లని త్రేనుపు, గుండెల్లో మంట, నిరాశ వంటి సమస్యలు ఎదురవుతాయి. గట్‌ ఆరోగ్యం సరిగ్గా లేకపోతే, ఇతర భాగాల్లోనూ సమస్యలు వచ్చే ప్రమాదం ఉంది.
గట్‌ హెల్త్‌ కాపాడుకోవడానికి ఆయుర్వేద వైద్యురాలు దీక్షా భావ్‌సర్‌ తన ఇన్‌స్టా పోస్ట్‌లో కొన్ని ఆయుర్వేద చిట్కాలు పంచుకున్నారు. ఆహారం, జీర్ణక్రియకు సంబంధించి ఆయుర్వేదంలో గొప్ప మార్గదర్శకాలు ఉన్నాయని, వాటిని పాటించడం వల్ల మొత్తం ఆరోగ్యం కాపాడుకోవచ్చని దీక్షా భావ్‌సర్‌ అన్నారు.



ఆకలి వేసినప్పుడే తినండి..
eat

కడుపులోని ఆహారం పూర్తిగా జీర్ణం అయినప్పుడే మనకు ఆకలి వేస్తుందని నిపుణులు అంటున్నారు. డీహైడ్రేషన్‌ ఉన్నప్పుడూ కొన్నిసార్లు ఆకలిగా ఉంటుంది. ఆహారం అస్తమానం తినకుండా, ఆకలి వేసినప్పుడు తింటే.. మీ గట్‌ ఆరోగ్యానికి మంచిది.
ప్రశాంతంగా భోజనం చేయండి..
eat

సౌకర్యవంతమైన ప్రదేశంలో కూర్చుని, ప్రశాంతంగా ఆహారం తినాలని ఆయుర్వేద వైద్యులు సిఫార్సు చేస్తున్నారు. కూర్చొని ఆహారం తీసుకోవడం ఉత్తమం అని అంటున్నారు. మొబైల్, టీవీ, ల్యాప్‌టాప్ చూస్తూ భోజనం చేయకూడదని, ఐదు ఇంద్రియాలను ఉపయోగించి భోజనం చేస్తే గట్‌ ఆరోగ్యానికి మంచిదని అంటున్నారు. మీ ఆహారం నుంచి వచ్చే సువాసన, మీ ప్లేట్ రూపం, మీ ఆహారం ఆకృతి, ఫుడ్‌ టేస్ట్‌, ఫుడ్‌ సౌండ్‌ను ఎంజాయ్‌ చేస్తే ఒంటికి పడుతుంది.
సంతృప్తిగా తినండి..
eat

ప్రతి ఒక్కరి శరీరం, ఆహారం భిన్నాంగా ఉంటుంది. మీ కడుపు సంతృప్తిగా తింటే మంచిది. వేడివేడి ఆహారం తీసుకుంటే మంచిది, దీనివల్ల జీర్ణక్రియ మెరుగుపడుతుంది. వేడి ఆహారం జీర్ణ ఎంజైమ్‌లు సమర్థవంతంగా పనిచేయడానికి సహాయపడుతుంది. ఫ్రిజ్‌లోంచి తీసిన చల్లని పదార్థాలు తింటే.. జీర్ణశక్తిపై ప్రభావం పడుతుంది.
పొషక ఆహారం తీసుకోండి..
​Fresh fruits

ఆహారంలో పీచు ఎక్కువగా ఉండే ఆహారం తీసుకోండి. ఫైబర్‌ వల్ల ఆహారం సులభంగా జీర్ణమవుతుంది. చక్కెర స్థాయులు కూడా అదుపులో ఉంటాయి. కూరగాయలు, పండ్లు, చిరుధాన్యాల్లో ఫైబర్‌ ఎక్కువగా ఉంటుంది. ఫైబర్, ప్రొటీన్లు, ప్రోబయోటిక్స్, ఇతర ముఖ్యమైన పోషకాలు అధికంగా ఉండే ఆరోగ్యకరమైన, సమతుల్య ఆహారాన్ని తీసుకోవాలి. చక్కెర, కార్బోనేటేడ్ పానీయాలకు బ‌దులుగా ఆరోగ్యకరమైన పండ్ల‌ రసాలు, స్మూతీలు, ఆయుర్వేద టీల‌ను తీసుకోవాలి. మృదువైన పేగు కదలికల కోసం నీళ్లు ఎక్కువ‌గా తాగాలి. అన్ని సమయాల్లో బాడీ హైడ్రేటెడ్‌గా ఉండేలా చూసుకోవాలి.
బాగా నమిలి తినండి..
Gut Health

కొంతమంది ఆహారాన్ని నమలకుండా, మింగేస్తారు. దీనివల్ల జీర్ణక్రియ సమస్యలు వస్తాయని నిపుణులు చెబుతున్నారు. ఆహారాన్ని బాగా నమిలి తింటే మంచిదని అంటున్నారు. అలాగే క్రమం తప్పకుండా ఆహారం తీసుకుంటే మేలు జరుగుతుంది.
గమనిక:
ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.