భారీ డిస్కౌంట్ : ఈ స్పోర్ట్స్ బైకుపై రూ.70 వేలు తగ్గింపు

కవాసకి ఇండియా తన పాపులర్ స్పోర్ట్స్ బైకు‌పై భారీ డిస్కౌంట్ ప్రకటించింది. వెర్సిస్ 650పై 70 వేల రూపాయల డిస్కౌంట్‌ను అందిస్తోంది. ట్రయంఫ్ టైగర్ స్పోర్ట్ 660ను భారత్‌లో లాంచ్ చేసిన తర్వాత కంపెనీ ఈ డిస్కౌంట్ ఆఫర్‌ను ప్రకటించింది. టైగర్ స్పోర్ట్ 660కి పోటీ ఇవ్వాలనే లక్ష్యంతో వెర్సిస్ 650 స్పోర్ట్స్ బైకు ధరను కవాసకి తగ్గించింది. ప్రస్తుతం వెర్సిస్ 650 బైకు రూ.70 వేల స్పెషల్ డిస్కౌంట్‌లో అందుబాటులో ఉంది. కవాసకి ఈ ఆఫర్ తర్వాత.. వెర్సిస్ 650 బైకు ధర ఎక్స్‌షోరూంలో రూ.6.45 లక్షలుగా ఉంది. కంపెనీ అందించే ఈ ఆఫర్ ఏప్రిల్ 30 వరకు మాత్రమే అందుబాటులో ఉంటోంది. అంతకుముందు ఈ బైకు ధర ఎక్స్‌షోరూం ఢిల్లీలో రూ.7.15 లక్షలుగా ఉండేది.

కొత్త మోడల్ లాంచ్..
కవాసకి తన సరికొత్త మోడల్ 2022 వెర్సిస్ 650ను ఇండియాలో లాంచ్ చేయాలని ప్లాన్ చేస్తోంది. ఈ మోడల్‌ను గతేడాది నవంబర్‌లో ఈఐసీఎంఏ మోటార్‌సైకిల్ షోలో ప్రదర్శించింది. ప్రస్తుత బైకు‌కు పలు అప్‌డేట్లతో కొత్త బైకు మార్కెట్లోకి వస్తోంది. ప్రస్తుత మోడల్‌లో అందిస్తోన్న హోలోజెన్ సెటప్ కాకుండా.. ఎల్‌ఈడీ లైటింగ్‌లో కొత్త హెడ్‌ల్యాంప్ డిజైన్‌తో ఈ కొత్త మోడల్ వస్తోంది. దీంతో పాటు కొత్త బ్లూటూత్ కనెక్టివిటీ టీఎఫ్‌టీ కలర్ డిస్‌ప్లేను కూడా అందిస్తోంది.

అయితే బైకు ఇంజిన్‌లో మాత్రం ఎలాంటి మార్పులు చేయడం లేదు కంపెనీ. బీఎస్6 650సీసీ పార్లల్-ట్విన్, లిక్విడ్ కూల్డ్ ఇంజిన్‌తోనే ఈ కొత్త బైకు రాబోతుంది. ఈ ఇంజిన్ 6 స్పీడ్ గేర్‌బాక్స్‌ను కలిగి ఉంటుంది. 17 అంగుళాల అలోయ్స్, ఇన్వెర్టెడ్ ఫ్రంట్ ఫోర్క్స్, రియర్ మోనోషాక్, ముందు వైపు డ్యూయల్ డిస్క్ బ్రేక్స్, వెనుక వైపు సింగిల్ రోటర్ వంటివి ఈ బైకులో ఉంటాయి. ఈ బైకు లాంచ్‌పై కంపెనీ ఇంకా ఎలాంటి అధికారిక సమాచారం ఇవ్వలేదు. అయితే 2022 తర్వాతనే కొత్త బైకు మార్కెట్లోకి వస్తుందని కొందరంటున్నారు.

Also Read : ఈ బ్యాంకుల్లో తక్కువ వడ్డీకే బైక్ లోన్ ..!

Also Read :