Reliance Industries: రిలయన్స్ రికార్డ్.. జియో దూకుడు

హైలైట్స్
ఒకవైపు రిలయన్స్ ఇండస్ట్రీస్ దుమ్ములేపింది. మరోవైపు జియో దూసుకెళ్లింది. రిలయన్స్ ఇండస్ట్రీస్ గత ఆర్థిక సంవత్సరపు క్యూ4లో రూ.10,362 కోట్ల నికర లాభాన్ని ప్రకటించింది. ఇండియన్ ప్రైవేట్ రంగ కంపెనీల్లో ఈ స్థాయి లాభాన్ని ప్రకటించిన కంపెనీ మరొకటి లేదు.

వార్షిక ప్రాతిపదికన రిలయన్స్ లాభం దాదాపు 10 శాతం మేర పెరిగింది. మరోవైపు ఈ క్యూ4లో కంపెనీ ఆదాయం 18 శాతం పెరగుదలతో రూ.1.42 లక్షల కోట్లకు చేరింది.

‘రిలయన్స్ రిటైల్ రూ.1,00,000 కోట్ల రెవెన్యూ మైలురాయిని దాటింది. జియో కస్టమర్ల సంఖ్య 30 కోట్ల మార్క్ అధిగమించింది. పెట్రో కెమికల్స్ బిజినెస్‌లో హైయెస్ట్ ఎర్నింగ్స్ నమోదయ్యాయి’ అని రిలయన్స్ ఇండస్ట్రీస్ మేనేజింగ్ డైరెక్టర్ ముకేశ్ అంబానీ తెలిపారు.

మరోవైపు రిలయన్స్ జియో స్టాండలోన్ నికర లాభం క్యూ4లో ఏకంగా రూ.840 కోట్లుగా నమోదయ్యింది. వార్షిక ప్రాతిపదికన ఇందులో 65 శాతం పెరుగుదల కనిపించింది. ఇక కంపెనీ ఆదాయం రూ.11,106 కోట్లుగా ఉంది.